Главная --> Святые Угодники Божьи --> Акафист Богородице «Спасительница утопающих»

Акафист Пресвятой Богородице пред иконою Ее, именуемой «Спасительница утопающих»

Молитва | Акафист | Житие | Иконы

Акафист Пресвятой Богородице пред иконою Ее, именуемой «Спасительница утопающих»

Кондак 1

Взбранной Воеводе, Владычице нашей Богородице, дивным на реце Десне явлением от вечныя смерти и злых обстояний избавляющей, Благодарственная пения приносим Ти раби Твои, Богомати Пречистая. От всяких нас бед и зол избави, да зовем Ти: Радуйся Мати Божия, Спасительница утопающих и во гресех погибающих.

Икос 1

Архангел Гавриил с небесе послан бысть к Тебе, Богородице возвестити радость велию о рождении от Тебе Спасителя рода человеческого. Подражая его приветствию, и мы глаголим Ти: Радуйся Благодатная, Ею же радость миру даровася; Радуйся Ею же небо и земля соединися; Радуйся небесных чинов радование; Радуйся Богобоящихся человеков увеселение; Радуйся злых демонов прогнание; Радуйся всех святых ликование; Радуйся неверующих вразумление; Радуйся скорбящих отрада и утешение; Радуйся болящих исцеление; Радуйся обидимых заступление; Радуйся православных христиан покров и ограждение; Радуйся непокорных усмирение; Радуйся Мати Божия, Спасительнице утопающих и во гресех погибающих.

Кондак 2

Видящи смирение твое и покорность воле Божией, вразумляеми Тобою подражати Тебе, благодарственно и мы из глубины души взываем Богу: Аллилуиа.

Икос 2

Разумея тайну Твоего, Богородице, заступлення людей Твоих в реце Десне утопающих како явила милосердие о них и явила чудотворную икону твою граду Новгороду - Северску и веси Леньковской, Спасительница утопающих именуемую. Взирая на Ю и молящися Ей глаголем: Радуйся Мати Милосердная; Радуйся Царице неба и Земли, мир от бед спасающая; Радуйся Премудрая Руководительнице наша, житие наше устрояющая; Радуйся от потопления на водах спасающая; Радуйся во грехах погибающих от вечные погибели избавляющая; Радуйся во все времена и лета добрым людям помогающая; Радуйся уныние и печаль от сердец наших отводящая; Радуйся жезле и опора старости; Радуйся постников укрепление; Радуйся восстание падших; Радуйся учащихся умов просветление; Радуйся честных иноков покров и заступление; Радуйся Мати Божия, Спасительница утопающих и во гресех погибающих.

Кондак 3

Сила благодатная от иконы Твоея исходит, и всем поклоняющимся Ей посылаются дары целебныя и спасительныя на водах и суше сущим, поклоняющимся и поющим: Аллилуиа.

Икос 3

Имуще попечение о страждущих людех всегда являла Царица Небесная чудеса и спасала Русь святую от варваров и грабителей. И в нынешнее смутное время мы недостойнии дети Твои просим милости и помощи Твоей, глаголя: Радуйся Заступнице рода христианского; Радуйся Молитвенице неусыпная; Радуйся ограждение града нашего и весей от разорения и потопления; Радуйся жестокосердных посрамляющая; Радуйся просящих у Тебя помощи не отвергающая; Радуйся Госпоже ближних и дальних; Радуйся ереси и расколов искоренительнице; Радуйся умягчение злых сердец; Радуйся примирение враждующих; Радуйся Споручнице грешных и взыскание погибших; Радуйся отчаянных грешников с Богом примирение; Радуйся всеми оставленых не оставляющая; Радуйся Мати Божия, Спасительница утопающих и во гресех погибающих.

Кондак 4

Буря житейских волнений одолевает нас немощных и страждущих. Но никто, взирающий на образ Твой с упованием не бывает не услышан поя Тебе и Сыну Твоему хвалебную песнь: Аллилуиа.

Икос 4

Слышавше ближнии и дальнии о являемых чудесах от иконы Твоея, радующеся о милости Твоей к людем на Десне-реке утопающим и воздающим тебе достойную честь: Радуйся Высоте до небес восходящая; Радуйся радосте всеобъемлющая; Радуйся цвете неувядаемый; Радуйся скорбящих радосте; Радуйся Милостивая милующая грешников; Радуйся нечаянную радость нам подающая; Радуйся во Успении Твоем нас не оставляющая; Радуйся обездоленых и обиженых богатство неистощимое; Радуйся Кладезю воды живительныя; Радуйся Источниче неисчерпаемый; Радуйся к жизни вечной наша путеводительнице; Радуйся Покрове миру ширший облака; Радуйся Мати Божия, Спасительнице утопающих и во гресех погибающих.

Кондак 5

Боготечная звезда икона Твоя Владычице, явися страждущим людем града Новгорода - Северска и близлежащей веси Леньковской. Получив Ю яко дар Божественный, изображаемой Владычице и Ея Божественному Младенцу вси воспеша: Аллилуиа.

Икос 5

Видевше чудеса преславная избавления от потопления на реце Десне все недоумеваху, како Божия Матерь явила милость свою и благодарнии сущи людие поклоняхуся и величаху Тя сице: Радуйся Стено и ограждение града нашего; Радуйся с небожители о людях присно молящаяся; Радуйся незримая Управительнице на водах; Радуйся и на суше путешествующих Благая Одигитрие; Радуйся земнородных у Престола Сына Твоего поминающая; Радуйся прославляющих Тя прославляющая; Радуйся хулящих имя Божие карающая; Радуйся в чистоте и целомудрии жиги нас научающая; Радуйся подвижников благочестия прославляющая; Радуйся честных супружеств благословение; Радуйся девственников присное радование; Радуйся Глубино учений Богодохновенных; Радуйся Мати Божия, Спасительнице утопающих и во гресех погибающих.

Кондак 6

Проповедница имени Божия, взирая на образ Твой честный, поклоняющеся и величающе Тя Богомати, умиленно взываем Сыну Твоему, из Тебе рождшемуся: Аллилуиа.

Икос 6

Возсия благодать людем Твоим от явления Твоея иконы, притекающие в храм Твой и поклоняющиеся Ей токи милостей и щедрот Твоих получают. Предстоя и ныне пред честным образом Твоим просим и мы милости и здравия недугующим, обидимым и скорбящим защиты и утешения вопиющим Ти: Радуйся наше непостыдное упование; Радуйся целителънице от неисцеленных болезней; Радуйся от бед и печалей избавление; Радуйся греховных язв наших врачевание; Радуйся слепым зрение подающая; Радуйся глухих и немых слышание и глаголание; Радуйся хромых хождение и на путь истинный наставнице; Радуйся обидящих грозно наказующая; Радуйся обидимых оправдание; Радуйся веры утверждение; Радуйся умирающих упокоение; Радуйся и по смерти нам помогающая; Радуйся Мати Божия, Спасительнице утопающих и во гресех погибающих.

Кондак 7

Хотяще Человеколюбец Господь спасти человека от вечныя смерти даде в помощь и заступление Матерь Свою. И никто не отыде тощ и неуслышан от образа Твоего. Мы же со умилением поклоняемся Ему, слезно глаголем Сыну Твоему: Аллилуиа.

Икос 7

Новое чудо явила икона Твоя Богомати, когда страждущим на водах Ты оказала помощь от потопления в реце Десне, и всем к Тебе прибегающим и просящим у Тебя помощи буди Заступница, именуемая Спасительница утопающих. Приими и сие моление из глубины сердечныя Тебе возносимое: Радуйся Спасительнице на водах утопающих; Радуйся избавительнице во гресех погибающих; Радуйся прибавление ума; Радуйся двери райские отверзающая; Радуйся Споручнице грешных именуемая; Радуйся презирати суетная нас научающая; Радуйся грешников с Богом примирение; Радуйся врагов невидимых мучение; Радуйся в недоумении советы добрые подающая; Радуйся житие наше добре устрояющая; Радуйся юношей наставнице целомудрия; Радуйся старым сединам силы обновляющая; Радуйся Мати Божия, Спасительница утопающих и во гресех погибающих.

Кондак 8

Странники и пришельцы мы на земли, не имеем здесь пребывающего града и в небесный град Иерусалим укажи нам путь, Путеводительнице наша, да выну зовем и поем Богу: Аллилуиа.

Икос 8

Всем благая подавши, Дева Всепетая, коемуждо по потребе: болящим здравие, обидимым покров и защищение, алчущих хлебом питаеши, слепым зрение даруеши; вразуми всех заблудших и настави на путь покаяния да согласно с нами взывают Ти: Радуйся неизглаголаная красоте; Радуйся Всехвальная доброте; Радуйся разуме неисчерпаемый; Радуйся младенцев питатильнице; Радуйся Мати сиротствующих; Радуйся Надеждо ненадежных; Радуйся юных наставнице; Радуйся детей строптивых укрощение; Радуйся любви Божия исполнение; Радуйся Премудросте неисчерпаемая; Радуйся Упование верных; Радуйся Заре, сияющая во тьме блуждающим; Радуйся Мати Божия, Спасительнице утопающих и во гресех погибающих.

Кондак 9

Всяк земнеродный да взыграется духом просвещаем и да торжествует, славяще Твой праздник Богомати Пречистая, и да вопиет архангельский глас: Радуйся Благодатная, Господь с Тобою, и Тобою с нами вопиющими Ему песнь: Аллилуиа.

Икос 9

Витийствующий язык не возможет достойно восхвалити Тя Богородице, не возгнушайся наших хвалений недостойными усты глаголющих: Радуйся, Блаженная Чрево, вместившая невместимого; Радуйся Купино неопалимая; Радуйся нерушимая стено; Радуйся Вратарнице, двери райские верным отверзающая; Радуйся Живоносный источниче; Радуйся скоропослушнице, прошения наша во благо исполняющая; Радуйся гнев Божий от нас отводящая; Радуйся Теплоте весь мир любовию согревающая; Радуйся земледельцев плодами обильными награджающая; Радуйся верним во всех нуждах помогающая; Радуйся хотящим жити по заповедем Божым помогающая; Радуйся разуму и мудрости нас научающая; Радуйся Мати Божия, Спасительнице утопающих и во гресех погибающих.

Кондак 10

Спасти хотя мир, Господь явися на земли, вселься во утробу Твою, освятив Ю, благоволи избрати Тя матерь себе, видя доброту Твою и смирение. Научи и нас в простоте сердечней смиренным сердцем пети Творцу Богу: Аллилуиа.

Икос 10

Стена и покров граду нашему Святая икона Твоя, Владычице: с сим образом благодать Моя и сила - рекла еси Первообразу. Не остави и нас, о Богомати, пошли благодать Твою свыше на предстоящия люди Твоя, глаголющия: Радуйся Мати неискусобрачная; Радуйся Невесто неневестная; Радуйся душ наших спасение; Радуйся Честнейшая Херувим; Радуйся Славнейшая Серафим; Радуйся паче всех земных существ возвеличенная; Радуйся во обители райские путь указующая; Радуйся всеми оставленных не оставляющая; Радуйся сиротствующих незримая воспитательнице; Радуйся скорбных матерей утешение; Радуйся греховной слепоты исцеление; Радуйся странствующих христиан покров и ограждение; Радуйся Мати Божия, Спасительнице утопающих и во гресех погибающих.

Кондак 11

Пения и моления нашего не отвергни Благая, но просвети наш ум и очи сердечныя, и научи Творцу и Богу пети с благоговением песнь: Аллилуиа.

Икос 11

Свет Божественный от Тебе воссиял и просветил всю вселенную. Просвети и нас, недостойных чад Твоих, Царице Небесная да зовем Ти: Радуйся Солнце Правды нам явившая; Радуйся луче умнаго Солнца; Радуйся мрачные души просвещающая; Радуйся еретиков и раскольников посрамляющая; Радуйся молние, души светом веры озаряющая; Радуйся громе враги устрашающий; Радуйся столпе утверждающий благочестие; Радуйся Светиле, всю землю освещающее; Радуйся радосте всех скорбящих; Радуйся уповающих на Тя непосрамление; Радуйся спасение всех к тебе прибегающих; Радуйся слабым силы обновляющая; Радуйся Мати Божия, Спасительнице утопающих и во гресех погибающих.

Кондак 12

Благодати Божия исполнено житие Твое на земли, научи и нас подражати Тебе в вере, молитве, благочестии и приведи нас в вечные обители райския, идеже непрестанно поют лики святых: Аллилуиа.

Икос 12

Поюще Тебе песни хвалы и благодарения Тебе Дево Всепетая о всех благодеяниях в отечестве и граде нашем явленых просим помощи нам в смутное сие время, огради нас Царице Небесная от врагов видимых и невидимых, да зовем Ти усердне: Радуйся молитвенице наша неусыпная; Радуйся чаше черплющая нам радость; Радуйся утоление печали; Радуйся недугующих безвозмездная целительнице; Радуйся духов лукавых прогонительнице; Радуйся злых человек вразумление; Радуйся нищих защитнице; Радуйся труждающихся помощнице; Радуйся невоздержных воздержанию научающая; Радуйся воюющим на плоть помогающая; Радуйся ярых безбожников посрамление; Радуйся бедных вдов заступление; Радуйся Мати Божия, Спасительнице утопающих и во гресех погибающих.

Кондак 13

О Всепетая Мати, рождшая Спасителя Мира, приими наше моление сие и избави от всяких зол, болезней, бед и напастей, нашествия иноплеменников, междоусобныя брани и будущия изми муки о Тебе вопиющих: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва | Акафист | Житие | Иконы


Молитвы святых. Святые угодники. Иконы.

Иные православные молитвы, святые угодники, чудотворные иконы:


... Запомнить сайт ... Ctrl+D

Молитва Святителя Ионы митрополита Московского и всея России чудотворца
Архангел Михаил Молитвы Святому
Молитва Преподобному Григорию иконописцу Печорскому
Молитва святому преподобному Иоанну многострадальному Печерскому
Молитва Святому преподобному Паисию Великому
Молитва святому преподобному Паисию Величковскому
Молитва преподобному Герману Соловецкому
Икона Божьей Матери Калужская
О чтении Псалтири по усопшим
Порядок чтения псалмов на всякую потребу
Святитель Иона Московский митрополит Московский и всея Руси
Житие святых мучеников Антония Иоанна и Евстафия Виленских Литовских
Ватопедская икона Божией Матери именуемая Отрада или Утешение
Козельщанская икона Божией Матери
Албазинская икона Божьей Матери Слово плоть бысть
Молитва перед иконой Пресвятой Богородицы именуемой Живоносный источник
Молитва ко Пресвятой Богородице пред Ее иконою Калужская

Читать далее в Православном разделе:


Церковный праздник 20 декабря Преподобного Нила Столобенского, Святитель Амвросий епископ Медиоланский, Преподобный Антоний Сийский, Преподобный Павел, Мученик Афинодор.
Церковный праздник 29 декабря Пророк Аггей, Преподобная княгиня София, Мученик Марин, Блаженная царица Феофания.
Церковный праздник 16 марта Волоколамская икона Богоматери, Мучеников Евтропия Клеоника и Василиска.
Церковный праздник 18 марта Мученик Конон Исаврийский, Обретение мощей благоверных князей Феодора Смоленского и чад его Давида и Константина Ярославских чудотворцев.
Церковный праздник 1 апреля Мученики Хрисанф и Дария.
Церковный праздник 30 мая Преподобная благоверная княгиня Евфросиния Московская, Апостола от 70-ти Андроника и святой Иунии.
Церковный праздник 30 июня Мучеников Мануила Савела и Исмаила, Мученики Мануил Савел и Исмаил.
Церковный праздник 26 июля Собор Архангела Гавриила, Преподобный Стефан, Мученик Серапион, Мученик Маркиан, Святитель Иулиан.
Церковный праздник 8 сентября Мученики Адриан и Наталия, Владимирская икона Богоматери.
Церковный праздник 26 сентября Священномученика Корнилия сотника, Память освящения храма Воскресения Христова во Иерусалиме.
Церковный праздник Покров Пресвятой Богородицы 14 октября Покров Пресвятой Богородицы, Апостол Анания, Преподобного Саввы Вишерского Новгородского, Преподобный Роман.

Весь Православный раздел ...

Уральские горы, города Урала, достопримечательности Урала.




^Наверх