Главная --> Святые Угодники Божьи --> Молитвы святому князю Даниилу Московскому

Молитвы святому князю Даниилу Московскому.

Молитва | Акафист | Канон | Житие | Иконы

Молитвы святому князю Даниилу Московскому

Молитва первая
Церкве Христовы похвало высокая, града Москвы стено необоримая, державы Российския Божественное утверждение, преподобне княже Данииле! К раце мощей твоих притекающе, усердно молим тя: призри на нас, память твою воспевающих и с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людех твоих насаждая, злобу же, междоусобие и нравов развращение искореняя. Всем же нам вся благая ко временному животу и вечному спасению даруй молитвами твоими, яко да прославляем дивнаго во святых Своих Христа, Бога нашего, во веки веков. Аминь.

Молитва вторая князю Даниилу
О угодниче Божий, святый благоверный княже Данииле, сада Христова благовонный цвете, Неба церковнаго кроткая звездо, земли нашея небесный уме, града Москвы и державы нашея мудрый здателю, теплый к Богу молитвенниче, скорый в помощи, милостивый в нуждах! К тебе припадаем и тебе молимся: буди предстатель наш пред Престолом Божия славы неусыпный. Собери нас друг ко другу, да печали ближняго своего кийждо любовию нелицемерною приобщается. Онебеси ум наш, да, иго тяжкое земных попечений отвергше, бремя легкое Христова Евангелия возлюбим. Открый очи наши, да узрим нетленную красоту Господню и да не отчуждени будем жизни Божия. Тихость Духа Божия да соблюдет сердца наша. Весна покаяния да украсит дела наша. Княже милостивый и щедрый, сохрани страну нашу, град твой и зде молящихся тебе от всякия напасти, от враг видимых и невидимых, от губительства и глада, от междоусобныя распри и внезапныя смерти. Отверзи нам двери милосердия Божия и избави нас от всякаго зла. Под крепкий покров благостыни твоея прибегающе, молим: буди нам тихое пристанище в скорбех. Остени нас молитвами твоими. Соблюди нас от падений греховных и заблуждений, да сердцем сокрушенным, духом смиренным в печали и радости присно зовем: Господи, предстательством преподобнаго Твоего помилуй нас. Аминь.

Молитва третья князю Даниилу
О преподобне княже Данииле, к иконе твоей притекающе, усердно молим тя: призри на нас (имена), с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром приход сей и храм сей добре да сохранит, благочестие и любовь в людех православных насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвам твоими, яко да прославляем дивнаго во святых своих Христа Бога нашего вкупе со Отцем и Святым Духом во веки веков. Аминь.

Тропарь благоверному князю Даниилу Московскому

ТРОПАРЬ, ГЛАС 4
Княжения твоего славу отложив, озаряемый Божественною благодатию, Богомудре княже Данииле, весь разум в сердце от суетнаго мира сего к Зиждителю неуклонно возложил еси и, яко звезда на востоце Российскаго государства просиял еси, целомудрием же и равноангельным твоим житием течение добре совершая, веру соблюл еси непорочну, тем и по смерти прослави тя Бог в чудесех, яко источаеши исцеления верно притекающим к честней раце твоей; сего ради днесь празднуем успение твое, людие твои. Ты же, яко имаши дерзновение ко Христу, моли спасти отечество твое и мирней быти державе нашей.

ИН ТРОПАРЬ, ГЛАС 5
Благославная похвало и благосветлый венче царствующаго града Москвы, всеблаженне Данииле, отче наш. Подвигом бо добрым подвизався, богоугодное течение совершил еси, всерадостныя некончаемыя жизни сподоблься, зриши Господа Бога, Емуже молися, благочествующим тя и лобызающим богохранимыя твоя и чудесоточныя мощи спасение и наследие Царства Небеснаго даровати.

ИН ТРОПАРЬ, ГЛАС 5
Благодатнородный сын Твой, Всетворителю Господи Боже наш, щедрототворством христоподражательный отец Даниил в евангельском заповедании и благоразумном своем житии чудесодарования и Небесная со святыми пребывания восприят от Тебе, Спасителя нашего Христа Иисуса. Возымев бо Твое Божественное пособие, суетномирския и плотоогненныя страсти упраздни и враги демоны, невидимыя и видимыя злотворны и разорители своего великокняжескаго наследия, победи. Того молитвами спаси вся, зовущия Тебе: Аллилуия.

ИН ТРОПАРЬ, ГЛАС 3
Явился еси в стране нашей, яко звезда пресветлая, благоверный княже Данииле, лучами света твоего озаряя град твой и обитель твою, православным поборник еси, пленным свободитель и нищим защититель, моли Христа Бога державе Российстей даровати мир и спасти души наша. (30 августа/12сентября; Обретение мощей)

КОНДАК, ГЛАС 4
Избранный Богом от чресл родительских и воспитанный от младенчества в законе Господни в мужа совершенна и Промыслом Вышняго, именитаго града Москвы наследие княжества прием, верен строитель благочестивым людем твоим показался еси, Богоблаженне Данииле, ихже образом своим наставляя и поучая заповедем Господним выну, путем, ведущим в живот вечный, присно шествуя, Небеснаго Царства достигл еси, идеже со ангельскими водворяяся лики, поеши Богу: Аллилуия.

ИН КОНДАК, ГЛАС 8
Яко Богонасажденное и Богоразумное древо в России возрасл еси и многоплодием Богоподобных добродетелей твоих утучняеши сердца благочестивых. Темже в крепости помощи твоея, преблаженне Данииле, от всяких нас бед свободи, да поем присно: Аллилуия.

ИН КОНДАК, ГЛАС 6
Еже по образу соблюд непреложно и яже в мире тленная оставив, со ангельскими лики предстоиши Христу, преподобне княже Данииле, никакоже забывая чад твоих, но милостивно посещая и глаголя им: аз есмь с вами, и никтоже на вы. (30 августа/12сентября; Обретение мощей)

Молитва | Акафист | Канон | Житие | Иконы


... Запомнить сайт ... Ctrl+D



Молитвы святых. Святые угодники. Иконы.

Иные православные молитвы, святые угодники, чудотворные иконы:


Молитвослов. Молитвы. Угодники Божьи. Молитвы на каждый день. Богородица
Молитвы святителю Гурию архиепископу Казанскому и святителю Варсонофию епископу Тверскому чудотворцу
Святой мученик Иоанн Воин
Иконa Святитель Николай архиепископ Мир Ликийских, чудотворец
Святые мученики Киприан и Иустина
О Псалтири
Акафист святому великомученику Мине
Акафист Пресвятой Богородице Тихвинская
Акафист Пресвятой Богородице перед Ея иконой именуемой Умягчение злых сердец или Семистрельная
Акафист Пресвятой Богородице Нечаянная радость
Преподобный Моисей Угрин Печерский
Преподобный Паисий Величковский
Акафист священномученику Власию, епископу Севастийскому
Молитва Божьей Матери "Споручница грешных"
Акафист иконе Божией Матери Живоносный источник
Акафист Божией Матери перед иконой Троеручица
Акафист Пресвятой Богородице перед Ея иконой именуемой Страстная

Читать далее в Православном разделе:


Церковные праздники в Мае. Православный церковный календарь Мая.
Церковный праздник 26 декабря Мучеников Евстратия Авксентия Евгения Мардария Ореста, Мученица Лукия, Преподобный Никодим, Преподобный Арсений.
Церковный праздник 3 января День Святителя Петра митрополита Московского и всея России чудотворца.
Церковный праздник 5 апреля Преподобномученика Никона, Память святых мучеников Филита и Лидии.
Церковный праздник 12 июня Преподобного Исаакия Исповедника.
Церковный праздник Рождество Предтечи и Крестителя Иоанна 7 июля Рождество Предтечи и Крестителя Иоанна, Преподобный Антоний Дымский.
Церковный праздник 17 августа Святых семи отроков в Ефесе, Мученик Елевферий, Преподобномученица Евдокия.
Церковный праздник 9 сентября Преподобного Пимена Великого, Святитель Исповедник Осий епископ Кордовский, Преподобный Пимен Палестинский.
Церковный праздник 3 октября Мученики князь Михаил и боярин его Феодор Черниговские чудотворцы, Великомученик Евстафий Плакида, Благоверный князь Олег Романович Брянский.
Церковный праздник 23 октября Мученики Евлампий и Евлампия, Мученик Феотекн, Преподобного Амвросия Оптинского, Преподобный Феофил.
Церковный праздник 26 ноября Святителя Иоанна Златоустого архиепископа Константинопольского, Мученики Антонин Никифор Герман и Манефа.

Весь Православный раздел ...

Уральские горы, города Урала, достопримечательности Урала.




^Наверх