Главная --> Молитвы исцеления и помощи в различных нуждах и немощах --> Святые Угодники Божьи --> Молитвы к Пресвятой Богородице “Феодоровская”

Молитвы к Пресвятой Богородице перед Ея иконой, именуемой “Феодоровская”

Молитва | Акафист | Житие | Иконы

Молитвы к Пресвятой Богородице перед Ея иконой, именуемой “Феодоровская”

Молитва первая
О, Пресвятая Владычице Богородице и Приснодево, Марие, единая надеждо нам грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому по вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани, и отврати всякий гнев на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Судищи Христовем стати одесную, и соделай нас наследники вечных благ, да славим вовеки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.

Молитва вторая к Пресвятой Богородице
О Премилосердая Госпоже, Царице Богородице, приими смиренное моление наше, и не отрини нас, Заступление и Прибежище наше, и не возгнушайся нас, недостойных, но яко Милосердая, не престани молящи, Егоже родила еси, да дарует нам прощение многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя, и неплодное сердце наше покажи плодоносно благих дел. Призри на нас недостойных. Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему единому. О Богомати, не престани молящи Рождшагося от Тебе за вся притекающия с верою к сему чудотворному образу Твоему и подавай им скорую помощь и утешение в скорбех, и напастех, и злостраданиих, избави их от клеветы и злобы человеческия, от враг видимых и невидимых, и всякия нужды и печали. Спаси отечество наше, град сей и вся грады и страны от всяких бед и нужд, и сотвори милостива нам быти Бога нашего, отврати всякий гнев Его на ны движимый и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.

Молитва третья к Пресвятой Богородице
К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

Тропарь Пресвятой Богородице перед Ея иконой, именуемой “Феодоровская”

Тропарь, глас 4
Присшествием честныя твоея иконы, Богоотроковице, обрадованный днесь богохранимый град Кострома, якоже древний Израиль к кивоту завета, притекает к изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем, под сень крова Твоего прибегающим, мир и велию милость.
Тропарь, глас 4
Днесь светло красуется преименитый град Кострома и вся Русская страна, созывающи к веселию вся боголюбивыя народы христианския, на преславное торжество Божия Матере, пришествия ради чудотворнаго Ея и многоцелебнаго образа, днесь бо явися нам пресветлое великое солнце, приидите, вси Богоизбраннии людие, новый Израиль, ко источнику цельбоносному, источает бо нам неоскудныя милости Пресвятая Богородица и избавляет вся грады и страны христианския невредимы от всех навет вражиих. Но, о Всемилостивая Госпоже, Дево Богородице, Владычице, спаси страну нашу, и архиереи, и вся люди Твоего достояния от всех бед по велицей Твоей милости, да зовем Ти: радуйся, Дево, Христианом похвало.

Молитва | Акафист | Житие | Иконы


... Запомнить сайт ... Ctrl+D



Молитвы святых. Святые угодники. Иконы.

Иные православные молитвы, святые угодники, чудотворные иконы:


Молитва Пресвятой Богородице перед Ея иконой именуемой Знамение
Молитвы святому праведному отцу Иоанну Кронштадтскому
Молитва святому великомученику Феодору Тирону
Молитвы святому князю Даниилу Московскому
Святой великомученик Димитрий Солунский
Преподобный Сергий Радонежский
Икона Священномученик Харлампий и Власий
Преподобный Алипий иконописец Печерский
Мученица Фомаида Александрийская Египетская
Акафист святому праведному Филарету Милостивому
Праведный Филарет Милостивый
Святитель Мартин Милостивый
Cвятой младенец мученик Гавриил Белостокский
Житие святых мучениц Веры Надежды Любови и матери их Софии
Козельщанская икона Божией Матери
Акафист Пресвятой Богородице перед Ея иконой именуемой Страстная
Архангел Рафаил Акафист

Читать далее в Православном разделе:


Церковный праздник 17 декабря Великомученица Варвара, Преподобного Иоанна Дамаскина, Святитель Геннадий.
Церковный праздник 25 декабря Святителя Спиридона, Преподобный Ферапонт, Священномученик Александр епископ Иерусалимский, Мученик Разумник.
Церковный праздник 4 января День памяти святой великомученицы Анастасии Узорешительницы.
Церковный праздник 13 января Отдание праздника Рождества Христова, Преподобной Мелании Римлянки.
Церковный праздник Сретение. 15 февраля Сретение Господа Иисуса Христа, Сретение Господне.
Церковный праздник 1 марта Память святого Маруфа епископа и святых мучеников пострадавших в Мартирополе.
Церковный праздник 12 марта Святой мученик Феодор Тирон, Преподобного Прокопия Декаполита исповедника.
Церковный праздник 11 апреля Преподобные Иона и Марк, Священномученик Марк епископ Арефусийский, Память преподобного Евстафия исповедника епископа Вифинийского.
Церковный праздник 27 июня Пророка Божия Елисея и святителя Мефодия, Благоверный князь Мстислав.
Церковный праздник 14 августа Успенский пост, Происхождение древ Животворящего Креста Господня.
Церковный праздник 28 октября Преподобный Евфимии Солунский, Преподобномученика Лукиана пресвитера Антиохийского, Иоанн епископ Суздальский, Преподобный Савин, Мученик Сарвил.

Весь Православный раздел ...

Уральские горы, города Урала, достопримечательности Урала.




^Наверх