Главная --> Молитвы исцеления и помощи в различных нуждах и немощах --> Святые Угодники Божьи --> Молитва Марону, Сирийскому

Молитва Преподобному Марону, пустыннику Сирийскому.

Молитва | Акафист | Житие | Иконы

Молитва Преподобному Марону, пустыннику Сирийскому


О, возлюбленная и священная главо, преподобне и Богоносне отче наш Мароне!
Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея, и да сохранит ее от всех врагов цело и неврежденно, во Господе нашем Иисусе Христе.
Буди же молебник и о нас недостойных. Ко Всеблагому Господу честнеи твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

ТРОПАРЬ, ГЛАС 4
Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превозходящую твою к Богу добродетель, и тамо обрет требище идольское, Богу освятив, в нем пребывал еси; и видев Человеколюбец Бог твой подвиг и труды, дарова тебе дар Свой, имже пронесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый; предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наши.
ИН ТРОПАРЬ, ГЛАС 2
Фарисейскаго тщеславия удаляяся, преподобне отче наш Мароне, на гору высокую возшел еси, и тамо победу показал еси на диавола: требище бо бесовское обрет и Богу освятив, в нем пребыл еси, молитвами твоими огневицу и трясавицу утоляя, и бесы прогоняя, и от различных недуг свобождая. Того ради, святе, молися Христу Богу, да спасет души наша.
КОНДАК, ГЛАС 5
Страстей пещь, преподобне, угасил еси, воздержания росою. Дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

Молитва | Акафист | Житие | Иконы



... Запомнить сайт ... Ctrl+D



Читать далее в Православном разделе:


Церковный праздник 8 февраля Преподобных Ксенофонта супруги его Марии и сыновей их Аркадия и Иоанна, Мученик Анания.
Церковный праздник 29 марта Мученик Савин, Мученик Святитель Серапион архиепископ Новгородский Папа.
Церковный праздник 20 июля Преподобный Фома, Преподобного Акакия, Преставление Евдокии в инокинях Евфросини, княгини Московской.
Церковный праздник 14 августа Успенский пост, Происхождение древ Животворящего Креста Господня.
Церковный праздник 7 сентября Апостол Варфоломей, Апостол от 70-ти Тит епископ Критский, Святитель Мина.
Церковный праздник 23 сентября Мучениц дев Минодоры Митродоры Нимфодоры, Царица греческая Пульхерия.
Церковный праздник 2 ноября Великомученик Артемий, Житие святого праведного отрока Артемия Веркольского чудотворца.

Весь Православный раздел ...

Голосовые поздравления и розыгрыши



^Наверх