Главная --> Молитвы исцеления и помощи в различных нуждах и немощах --> Святые Угодники Божьи --> Молитва Нифонту Кипрскому

Молитва преподобному Нифонту Кипрскому

Молитва | Житие | Иконы

Молитва преподобному Нифонту Кипрскому

Читать общию молитву преподобным

Молитва 1
Преподобие отче (имя рек)! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходите путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своиму Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О. превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова. идеже ты радостно во трудех и подвизех ныне почиваеши, прославляя со всеми святыми Бога, в Троице слав имаго, Отца и Сына и Святаго Духа, ныне и присно и во веки веков. Аминь.

Молитва 2, преподобному Нифонту
О, священная главо, преподобие отче, преблаженне авво (имя рек), не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребывавши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

ТРОПАРЬ, ГЛАС 8
В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть: преходит бо, прилежати же о души, вещи без смертней. Темже и со ангелы срадуется, преподобие (имя рек), дух твой.
ИН ТРОПАРЬ, ГЛАС 1
Пустынный житель, и во плоти ангел, и чудотворец явился еси, Богоносне отче наш (имя рек), постом, бдением, молитвою Небесная дарования приим, исцеляеши недужныя и души верою приходящих ти. Слава Давшему тебе крепость, слава Венчавшему тя, слава Действующему тобою всем исцеления.
ИП ТРОПАРЬ, ГЛАС 8
Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, (имя рек), отчге наш, моли Христа Бога спастися душам нашим.
ИП ТРОПАРЬ, ГЛАС 4
Боже отец наших, творяй присно с нами по Твоей кротости, не остави милость Твою от нас. но молитвами их в мире управи живот наш
КОНДАК, ГЛАС 2
Чистотою душевною Божественне вооружився, и непрестанныя молитвы, яко копие, вручив крепко, пробол еси бесовская ополчения, (имя рек), отче наш, моли непрестанно о всех нас.
ВЕЛИЧАНИЕ
Ублажаем тя, преподобие отче (имя рек), и чтим святую память твою, наставниче монахов и собеседниче ангелов.

Молитва Преподобным Нифонту Кипрскому, Маруфу Месопотамскому и Лаврентию Туровскому

Святые, преподобные отцы Нифонте Кипрский, Маруфе Месопотамский и Лаврентий Туровский!
Молите со мною и о мне, рабе Божьем (имя), умоляемаго от Своего милосердия Бога,
да милостивно услышит мя, просящего Его благостыню,
и не отставит от мене вся ко спасению и житию нужная прошения,
христианскую же кончину жития моего безболезненну, непостыдну, мирну и Божественных Тайн причастну да дарует,
да благодатию Божиею и вашим теплым предстательством, душею и телом всегда здрави пребывающе,
славлю дивнаго во святых Своих Бога Израилева, не удаляющаго помощи Своея от нас,
всегда, ныне и присно и во веки веков. Аминь.

Молитва | Житие | Иконы


Молитвы святых. Святые угодники. Иконы.

Иные православные молитвы, святые угодники, чудотворные иконы:


... Запомнить сайт ... Ctrl+D

Молитвы святой мученице Параскеве Пятнице
Молитвы святым семи отрокам Ефесским
Молитва святому преподобному Галактиону Вологодскому чудотворцу
Смоленская икона Божией Матери Одигитрия
Акафист святому мученику Архидиакону Лаврентию
Акафист святой великомученице Варваре
Преподобный Паисий Великий
Акафист святому праведному Филарету Милостивому
Акафист преподобному и богоносному отцу нашему Иову
Святитель Модест архиепископ Иерусалимский
Акафист святым сорока мученикам Севастийским
Молитва Божией Матери пред иконой Ея Благодатное Небо
Молитва к Пресвятой Богородице перед Ея иконой именуемой Муромская
Молитва иконе Божией Матери Ильинско-Черниговская
Молитвы перед иконой Пресвятой Богородицы именуемой Толгская
Молитва ко Пресвятой Богородице пред Ее иконою Калужская
Акафист Пресвятой Богородице в честь иконы Ея Спорительница Хлебов

Читать далее в Православном разделе:


Церковные праздники в Марте. Православный церковный календарь Марта.
Церковный праздник 11 декабря Преподобномученика и исповедника Стефана Нового, Память святого мученика Иринарха.
Церковный праздник 7 мая Преподобный Фома, Мученика Саввы Стратилата и с ним 70-ти воинов, Преподобная Елисавета.
Церковный праздник 13 июня Мученик Ермий, Апостола от 70-ти Ерма Священномученик Философ.
Церковный праздник 19 июня Преподобного Виссариона чудотворца Египетского, преподобного Илариона Нового, Пименовская икона Пресвятой Богородицы.
Церковный праздник 29 августа Перенесение из Едессы в Константинополь Нерукотворного Образа Господа Бога и Спасителя нашего Иисуса Христа, Мученик Диомид.
Церковный праздник 31 августа Мучеников Флора и Лавра, Преподобный Иоанн Рыльский, Священномученик Емилиан.
Церковный праздник 12 сентября Благоверного князя Александра Невского, Преподобного Александра Свирского, Святые Александр Иоанн и Павел.
Церковный праздник 10 октября Преподобного Савватия Соловецкого, Мученик Каллистрат, Священномученик Петр.
Церковный праздник 23 октября Мученики Евлампий и Евлампия, Мученик Феотекн, Преподобного Амвросия Оптинского, Преподобный Феофил.
Церковный праздник 10 ноября Великомученицы Параскевы нареченной Пятница, Преподобный Иов Почаевский, Святитель Димитрий, Преподобный Арсений архиепископ Сербский.

Весь Православный раздел ...

Уральские горы, города Урала, достопримечательности Урала.




^Наверх