Главная --> Молитвы исцеления и помощи в различных нуждах и немощах --> Святые Угодники Божьи --> Молитвы Параскеве Пятнице

Молитвы святой мученице Параскеве Пятнице.

Молитва | Акафист | Житие | Иконы

Молитвы святой мученице Параскеве Пятнице

Молитва первая
О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице, идольския льсти обличительнице, Евангелия Божественнаго поборнице, заповедей Господних ревнительнице, сподобльшаяся приити ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице, буди о нас печальница ко Христу Богу, Его же преблаженнейшим зрением присно веселитися; моли Всемилостиваго, иже словом очи слепым отверзе, да избавит нас от болезни очес наших, телесных вкупе и душевных; разжени твоими святыми молитвами темный мрак прибывший от грехов наших, испроси у Отца Света свет благодати душевным и телесным очесем нашим; просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О великая угодница Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощны есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствоваши, мрака же греховнаго избывше, во свете истинныя веры и деяний Божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми Небесными Силами Трисвятительное Единое Божество, Отца и Сына и Святаго Духа, ныне и присно и во веки веков. Аминь.

Молитва вторая святой мученице Параскеве
Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя славы, Христа Спасителя и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: “Радуйтеся, праведнии, яко мученица Параскева увенчася!” Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его Человеколюбца и о нас с предстоящих и молящихся ти, да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешание возлюбленному нашему отечеству, да ниспослет святое Свое благословение и мир, и всем православным христианам да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели: да очистит нас грешных от всякий скверны и порока, да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасения твоими святыми молитвами, предстательством и заступлением, всеславная невесто Христова Параскево, прославим все пречистое и великолепое имя дивнаго во святых Своих истиннаго Бога, Отца и Сына и Святаго Духа, всегда, ныне и присно и во веки веков. Аминь.

Тропарь святой великомученице Параскеве Пятнице

Тропарь, глас 4
Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи, и мучителя посрами, вопиющи и глаголющи: приидите, тело мое мечем ссецыте, и огнем сожгите, аз бо радующися иду ко Христу, Жениху моему. Тоя молитвами, Христе Боже, спаси души наша.

Кондак, глас 3
Всесвятое и непорочное мучение принесши, яко вено пречестное Безсмертному Жениху Христу, ангельское ликостояние возвеселила еси, и победила еси демонския козни: сего ради тя честно верою чтим, мученице Параскево, многострадальная.

Величание
Величаем тя, страстотерпице Христова Параскево, и чтим честное страдание твое, еже за Христа претерпела еси.

Молитва | Акафист | Житие | Иконы


... Запомнить сайт ... Ctrl+D



Молитвы святых. Святые угодники. Иконы.

Иные православные молитвы, святые угодники, чудотворные иконы:


Входящий в церковь
Молитва святому мученику Диомиду врачу
Молитвы преподобному Сергию Радонежскому чудотворцу
Молитва священномученику Зотику сиропитателю пресвитеру
Икона Пресвятой Богородицы именуемой Скоропослушница
Икона Божией Матери Знамние
Псалтырь Кафисма 2 Псалом 9-16
Псалтырь Кафисма 10 Псалом 70-76
Сказание о Тихвинской чудотворной иконе Пресвятой Богородицы
Акафист Ангелу Хранителю
Акафист преподобному Никите Столпнику Переславскому чудотворцу
Акафист Пресвятой Богородице именуемой Спасительница утопающих
Акафист Святому апостолу и евангелисту Луке
Святой великомученик Георгий Победоносец
Святитель Мартин Милостивый
Cвятой младенец мученик Гавриил Белостокский
Акафист Пресвятой Богородице перед Ея иконой именуемой Трех радостей

Читать далее в Православном разделе:


Церковный праздник 3 января День Святителя Петра митрополита Московского и всея России чудотворца.
Церковный праздник 6 февраля блаженная Ксения Петербургская, Преподобной Ксении Милосской.
Церковный праздник 17 апреля Преподобный Иосиф Песнописец, Преподобный Зосима Палестинский.
Церковный праздник 29 мая Преподобный Феодор, Преподобного Ефрема Перекомского Новгородского чудотворца.
Церковный праздник 16 июня Мученика Лукиллиана, Священномученик Лукиан.
Церковный праздник 26 июля Собор Архангела Гавриила, Преподобный Стефан, Мученик Серапион, Мученик Маркиан, Святитель Иулиан.
Церковный праздник 28 сентября Великомученик Никита, Перенесение мощей архидиакона Стефана, Акакий.
Церковный праздник 24 октября Преподобного Феофана Исповедника, Апостол Филипп, Мученицы Зинаида и Филонилла.
Церковный праздник 30 октября Пророка Божия Осии, Преподобномученик Андрей Критский, Святые мученики бессребреники Косма и Дамиан, Преподобный Антоний Леохнрвский.
Церковный праздник 17 ноября Преподобный Иоанникий Великий, Блаженный Симон Юрьевецкий, Священномученика Никандра епископа Мирского и Ермея пресвитера.
Церковный праздник 26 ноября Святителя Иоанна Златоустого архиепископа Константинопольского, Мученики Антонин Никифор Герман и Манефа.

Весь Православный раздел ...

Уральские горы, города Урала, достопримечательности Урала.




^Наверх